وصفة بلاطو ديال طرطات صغار 🍥🍥🍥🍥🍥🍥

وصفة بلاطو ديال طرطات صغار:

بالنسبة للعجين

كنخدمو 125غ زبدة مع 60غ سكر و كيس فانيليا كنضيفو بيضة و طحين حسب الخليط كنخليوها في الثلاجة واحد 30دقيقة قبل منطلقوها
كنديوها فالمولات صغار كنديرهم واحد 10دقايق في الفريكو و كندخلوهم للفرن مسخن على 160درجة حتى ياخدو لون ذهبي

تحضير الكريم باتيسيير
كنديرو 1/2 لتر حليب يغلي و في إناء كنخلطو 2أصفر بيض مع 50غ نشا و 100غ سكر
كنضيفو عليهم الحليب دافئ كنردو كلشي للكاسرونة
مع التحريك حتى كتعقاد و كنضيفو واحد 50غ زبدة و كنخليوها تبرد

تحضير كريمةالحامض
ف كاسرونة كنديرو 2بيضات100غ سكر قشور حامضة كاس صغير عصير حامض و كنديرها فوق البوطا حتى كتعقاد مع التحريك
كنحيدوها من البوطا و كنضيفو 100غ زبدة

بالنسبة للوز كاراميليزي
كنديرو السكركاراميل كنضيفو اللوز و الكركاعو م ك زبدة
100غ لوز و كركاع مع 100غ سكر و م ك زبدة
بالصحة و الراحة

الوصفة من توقيع chehiwatsara@

وصفة بلاطو ديال طرطات صغار